Dersîm | Pireke dîrokî ya ji sedsala 13an maye derket ser rûyê erdê

PeyamaKurd – Li bajarê Dersîm navçeya Mazgêrd a Bakurê Kurdistanê, di dema karê paqijkirina çem de pireke dîrokî ya ji keviran hatiye çêkirin derket holê.

Hat diyarkirin, dema tîmên Rêveberiya Karûbarên Avê yên Dewletê (DSI) li taxa Elti Xatunê dema xebatên paqijkirina çem dikirin rastî pireke dîrokî hatin û Rêveberiya Muzexaneya Dersîmê pê agahdar kirin.

Piştî lêkolîna tîmên Muzexaneyê derket holê ku pireke ji keviran e û dîroka wê digihe beriya zayînê nêzîkî sedsala 13an.

Hat ragihandin ku Rêveberiya Çand û Geştê ya Dersîmê, dest bi karê tomarkirina plan û taybetmendiyên vê pira dîrokî ya ji keviran kiriye.