Daxuyaniya Trump bazara krîptoyê hejand!

PeyamaKurd – Serokê Dewletên Yekbûyî yên Amerîkayê Donald Trump bi ragihandina çêkirina 'Rezerva Stratejîk a Krîpto' ku di nav xwe de diravên krîpto yên wekî XRP, SOL û ADA vedihewîne, bazar hejand. Piştî daxuyaniyên Trump, nirxê van samanan %10 zêde bû û derket %35. Hat ragihandin ku Trump wê li Qesra Spî civîna yekem a krîptoyê li dar bixe.

Serokê Dewletên Yekbûyî yên Amerîkayê Donald Trump daxuyaniyeke balkêş ku kir, bazara krîptoyê bilind bû.

Trump avakirina 'Rezerva Stratejîk a Krîpto' ya ku di nav xwe de diravên krîpto yên wekî XRP ​​(Ripple), SOL (Solana) û ADA (Cardano) vedihewîne ragihand. Vê ragihandinê di sûka krîptoyê de heyecanek mezin çêkir û bû sedema zêdebûna bilez a nirxa malên navborî. Trump got, "Min talîmat da Hêza Peywira Serokatiyê ku rezerva Stratejîk a Krîpto ya ku XRP, SOL û ADA tê de ye biafirîne. Ez ê Amerîkayê bikim Paytexta Krîpto ya Cîhanê."

Piştî daxuyaniyên Trump nirxê pereyên krîpto yên wekî XRP, SOL û ADA ji sedî 10 zêde bû û derket ji sedî 35. Wekî din, pereyên krîpto yên sereke yên wekî Bitcoin (BTC) û Ethereum (ETH) jî ji ber vê atmosfera erênî nirx bi dest xistin. Trump da zanîn, "Bê guman, pereyên din ên krîpto yên mîna BTC û ETH jî wê dilê vê rezervê ava bikin.” Trump di berdewamiya daxuyaniya xwe de got: "Ez ji Bitcoin û Ethereum hez dikim." Piştgiriya xwe ji bo van her du saziyên girîng nîşan da û got:

Hat diyarkirin ku girîngiya Serokê Dewletên Yekbûyî yên Amerîkayê (DYA) Trump dide polîtîkayên krîptoyê wê bi Civîna Ewil a Krîptoyê ya ku di rojên pêş de bê lidarxistin de zelaltir bibe. Civîna ku wê roja Înê li Qesra Spî bê lidarxistin, tê ragihandin ku wê li ser pêşeroja pîşesaziya krîptoyê û rola Dewletên Yekbûyî yên Amerîkayê di vî warî de bisekine.