Dadgeha Iraqê cezayê îdamê da DAISîyê ku destdirêjiya keça êzidî kiriye

PeyamaKurd – Li Iraqê li ser terorîstekî DAIŞê yê ku destdirêjiya keçeke Kurd a Êzidî kiriye cezayê bidarvekirinê hat dayîn.

Encûmena Bilind a Dadweriya Iraqê îro 2yê Adarê bi daxuyaniyekê ragihand, dadgeha tewanan li navçeya Kerx a Bexdayê cezayê darvekirinê li ser Ebu Humam ê çekdarê rêxistina terorîst a DAIŞê yê hatiye girtin daye.

Di daxuyaniyê de tê gotin, DAIŞê wek xelatekî bo Ebu Humam, ku di şerên rêxistina terorîst de birîndar bibû, keçeke kurd a êzidî daye wî û wî jî destdirêjî li ser kiriye.