Cizîr | Dadgeha Bilind cezayê 12 kesan pejirand û 9 kes hatin girtin

PeyamaKurd – Dadgeha Bilind, li bajarê Cizîrê yê Bakurê Kurdistanê cezayê 12 kesan pejirand û 9 kes hatin girtin. 

Dadgeha Bilind, cezayê 12 kesên ku di bûyerên 15ê Sibata 2008an de li navçeya Cizîrê ya Şirnexê qewimîbûn hatibûn binçavkirin û ji aliyê Dadgeha Cezayê Giran a 1ê ya Cizîrê ve 3 sal û meh û 15 roja ceza li wan hatibû birîn, pejirand. 

Piştî erêkirina ceza ji 12 kesan 9 kes hatin girtin û ew şandin Girtîgeha Şirnexê ya Tîpa Tyê.

Ji kesên hatin girtin navê hin kesan ev in: Edîp Yagarcik, Remzî Dadak, Husnu Dadak, Çetîn Dayar, Tahsîn Mendeş û Yusuf Uykur.

Her 12 kes bi îdîaya "Sûcdariya li ser navê rêxistina çekdar" dihatin darizandin.