CENTCOM: Hêzên me ji Hewlêrê vekişiyan
Fermandariya Navendî ya Amerîkayê (CENTCOM) ragihand ku vekişandina leşkerên Amerîkî û alavên leşkerî ji baregeha hewayî ya nêzîkî Balafirgeha Navneteweyî ya Hewlêrê heta 30ê Îlonê temam bûye.
RûpelNews - CENTCOMê diyar kir ku vekişîn beşek ji pêvajoya veguhastinê ya ber bi hevkariya parastinê ya dualî ya plankirî ya di navbera DYA û Bexdayê de ye. Bi vî awayî hat ragihandin ku mîsyona leşkerî ya Hevpeymaniya Navneteweyî li Iraqê bi dawî bûye.
"Pêşmerga dikarin bi serê xwe şer bikin"
Fermandarê CENTCOMê Admiral Brad Cooper diyar kir ku hêzên ewlehiyê yên Iraqê, bi pêşengiya Pêşmergan, gihîştine wê kapasîteya operasyonel ku bi awayekî serbixwe li hember gefên li ser erdê têbikoşin.
Her ku mîsyona Koalîsyonê li Iraqê bi dawî dibe, hate destnîşankirin ku navenda sereke ya operasyonan ji bo domandina operasyonên li dijî DAIŞê li Sûriyeyê, bo Urdunê hatiye veguhestin.
Cooper diyar kir ku hêzên Amerîkî û yên koalîsyonê dê li herêmê li dijî gefên muhtemel ên DAIŞê di hişyariyeke bilind de bimînin.
