Brîtanyayê jî li ser Sûriyê biryara xwe da!

PeyamaKurd- Hukûmeta Brîtanyayê êvara yekşemê ragihand ku ew ê hinek alîkariyên xwe yên li ser Sûriyê bibirin.

Di derbarê biryarê de Berdevkê Hukûmeta Brîtanyayê ragihand ku li Sûriyê li hinek herêman rewş gelekî xirab bûye. Ji ber vê yekê, ji xeynî alîkariya insanî, em ê hinek alîkariyên xwe qut bikin. Lê belê ji bo îstîkrar û aramiya herêmê em ê alîkariyên xwe dewam bikin.

Hukûmeta Brîtanyayê got ku di sala 2017 û 2018an de me li Sûriyê 193.85 mîlyon alîkariya insanî kiriye.

Piştî ku Amerîkayê got ku me alîkariya 230 mîlyon dolarî ji ser Sûriyê biriye, ji Brîtanyayê jî ev daxuyanî hat.