Brîtanyayê biryara radestkirina Assange pesend kir

PeyamaKurd – Wezareta Navxweyî ya Brîtanyayê li ser daxwaza radestkirinê ya Amerîkayê bo damezrînerê Wikileaksê Julian Assange, belgeya radestkirinê îmze kir.

 Xwedî û damezrînerê Wikileaksê Julian Assange 11ê Nîsanê ji aliyê polîsên brîtanî ve ji Balyozxaneya Ekvador a Londonê hatibû derxistin û piştre jî ji aliyê dadgeha brîtanî ve hatibû girtin.

Wezareta Dadê ya Amerîka Assange bi 17 sûcan tawanbar kiribû  ku di nav van sûcan de weşandina nav û belgeyên nepen jî hene.

Amerîkayê bi fermî daxwaza radestkirinê ji Brîtanyayê kiribû ku piştî pesendkirina biryarê tê çaverêkirin were radestkirin.