Biryara sandina leskeran ji Nîjerê re hat pejirandin

PeyamaKurd – Li Burkîna Faso, hikûmetê pêşnûmeya ku destûr dide leşkeran bişînin Nîjerê pejirand.

Di daxuyaniya ku ji teref Wezareta Parastinê ya Burkîna Fasoyê ve hat dayîn de hat diyarkirin ku hikûmetê di Lijneya Wezîran de pêşnûmaya ku destûrê dide şandina leşkeran li Nîjerê li hemberî mudaxeleya leşkerî ya muhtemel a Civata Aborî ya Afrîkaya Rojava qebûl kir. Dewletên (ECOWAS).

Ji bo pêşnûme bibe qanûn divê li meclîsê were qebûlkirin.

ECOWASa ku bi tundî li dijî rêveberiya leşkerî ya li Nîjerê derdikeve, ewil di 10ê Tebaxê de ragihandibû, ger pergala destûrî ya li welat neyê vegerandin, ew ê mudaxeleya leşkerî li Nîjerê bikin.

Di civîna serfermandarên welatên ECOWAS a 17ê Tebaxê ya li Akraya paytexta Ganayê de hat ragihandin, dîroka destwerdana leşkerî ya li Nîjerê diyar bûye.

ECOWASê da zanîn, leşker amade ne ku gava ferman hat mudaxeleyê bikin, lê agahiyê nedan ku ev operasyon dê kengî dest pê bike.

Burkîna Faso û Malî ku rêveberiyên leşkerî lê berpirsyar in, bi daxuyaniyeke hevpar diyar kirin, ew li aliyê Nîjerê li dijî operasyona leşkerî ya ku ECOWAS plan dikir dest bi guhertina rêça derbeya li Nîjer bike bûn.

Daxuyaniyê hişyarî da ku her destwerdana leşkerî ya li dijî Nîjerê ji bo şerê li dijî Burkîna Faso û Malî ye.

Her du welatan ji bo mudaxeleya leşkerî balafirên şer ên bi tîpa "Super Tucano" şandibûn Nîjerê.

Nîjer herwiha destûr da Burkîna Faso û Malî ku di dema operasyoneke muhtemel de derbasî xaka wê bibin.

Li Nîjerê Serokkomar Muhammed Bazum di 26ê Tîrmehê de ji aliyê endamên Alaya Parastina Serokkomariyê ve hatibû binçavkirin û danê êvarê leşkeran ragihandibû ku wî desthilatdarî bi dest xistiye.

General Abdurrahmane Tchiani, Fermandarê Alaya Pasdaran a Serokomariyê, di 28ê Tîrmehê de bû serokê hikûmeta demkî ya bi navê Konseya Neteweyî ya Parastina Welat (CNSP).

CNSPê di 7ê Tebaxê de Lamîne Zeine weke Serokwezîr wezîfedar kir û di 10ê Tebaxê de jî kabîneya ji 21 kesan a ji leşker û sivîlan pêk tê eşkere kir.