Biden: Putin ji mirina Aleksey Navalni berpirs e

PeyamaKurd – Serokê Amerîkayê Joe Biden got ku ji mirina muxalifê Rûs Aleksey Navalni Putin berpirs e. Navalni îro di zîndanê de jiyana xwe ji dest dabû û guman di mirina wî de heye. Li ser mijarê serokê Amerîkayê Joe Biden li Koşka Sipî civîna çapemeniyê lidarxist û got:

“Putin jehrê da Navalni, wî avête zîndanê û darizand. Wî şand zîndanê û wî îzole kir. Ji mirina Navalni Putin berpirse. Tiştên hatin serê Navalni nîşana wahşeta Putin e. Bila kesî nexapînin.”

Aleksey Navalni raqibê Putin bû û 19 sal cezayê zîndanê dabûne. Navalni di zîndana herêma Yamalo-Nenetsê de îro jiyana xwe ji dest dabû.

Biden, her weha ragihand ku dibe li ser mirina Navalni dorpêçên nûh deyne ser Rûsyayê.