Bi karwana hevpeymaniyê de bombe hat teqandin

PeyamaKurd - Şaneya ragehandina ewlehiya Iraqê bi daxuyaniyekê ragihandin ku li parêzgeha Zîqarê bombeyeke çandî bi karwana otomobîlên wan de teqiyaye ku wê karwanê pêwîstî û alavên lojîstîk ên hêzên hevpeymanan vediguhestin.

Şaneya ragihandina ewlehiyê ya Iraqê îro 27ê Îlonê da xuyakirin, li nehyeya Betha ya parêzgeha Zîqarê bombeyeke çandî di karwana otomobîlên veguhestina alav û pêwîstiyên hêzên hevpeymanan de hatiye teqandin ku kesên sivîl di wan otomobîlan de bûn.

Di daxuyaniyê de hatiye diyarkirin ku ziyanên canî çênebûne, lê teqîn bû sedema ziyanên madî li ser otomobîlan. Herwiha karwana navborî li gorî armanca xwe rêya xwe berdewam kiriye.