Bexda | Bi mosekan êrîsî baregeha leskerên Amerîkî kirin

PeyamaKurd – Li paytexta Iraqê Bexdayê îro 2yê Gulanê êvarê êrîşeke moşekî dijî baregeha ku hêzên Amerîkayê tê de ne hat kirin.

Li gorî zanyariyan bi moşekên Katyûşa êrîş hatiye kirin ku çend moşek ji aliyê sîstema berevaniya asmanî ya li baregeha hêzên Amerîkayê ve hatine têkdan û 3 moşek jî li nêzîkî baregehê ketine.

Amerîkayê ji ber êrîşên berdewam ên milîsên Îranê li Balyozxaneya xwe ya Bexdayê û baregeha leşkerî Victory ya nêzîkî balafirxaneya Bexdayê, ji bo bersiva êrîşan sîstemên C-Ram ên berevaniya asmanî bicih kiribûn.

Derbarê ziyanên moşeka ku li nêzîkî baregeha Amerîkayê ketiye de hîn ti daxuyaniyeke fermî ji aliyê rayedarên Iraq û Amerîkayê ve nehatiye dayîn.