Bersiva Îranê ji bo gotina Trump a 'rejîm guheriye': 'Rêgez guherîn, ne rejîm'
Îranê li hember daxuyaniya Serokê Amerîkayê Donald Trump a ku gotibû 'rejîma li Îranê guheriye' bertek nîşan da.
RûpelNews - Îbrahîm Ezîzî, Serokê Komîsyona Ewlekariya Neteweyî û Polîtîkaya Derve ya Meclîsa Îranê, ev gotin rexne kirin û diyar kir ku guhertin ne di rêveberiya welêt de, lê di nîzama deryayî ya herêmê de çêbûye.
Di parvekirineke li ser platforma medyaya civakî Xê de, Ezîzî, bi amajekirina li şîroveyên Trump, diyar kir ku gotina 'guhertina rejîmê' rewşa nû ya li Tengava Hurmuzê rave dike. Azîzî destnîşan kir ku Tengav dê ji bo keştiyên ku pabendî rêzikên nû yên ji aliyê Îranê ve hatine danîn, vekirî bimîne û diyar kir ku dê tu destûrên derbasbûnê ji bo Amerîkayê neyên dayîn.
Îdiayên Trump
Serokê Amerîkayê Trump, di daxuyaniyeke roja berê de îdia kiribû ku "me jixwe li Îranê guhertina rejîmê pêk aniye", û bi vê yekê nîşan dida ku serokatiya welêt guheriye.
Tengava ji bo hin ketiyan vekiriye
Di vê navberê de, êrişên tolhildanê yên Îranê wek bersivdayîna êrîşên Amerîka û Îsraîlê berdewam dikin. Supaya Pasdaran ragihand ku wan Tengava Hurmuzê li ser keştiyên Amerîkî, Îsraîlî û keştiyên ku tê ragihandin bi van welatan ve girêdayî ne, girtine. Hat ragihandin ku hêza deryayî ya Îranê li dijî hin keştiyên ku hewl didan derbas bibin, bi bikaranîna mûşek û dronên çekdar destwerdan kiriye.
