Baroya Wanê li dijî Rahmi Koç gilînameyekê amade dike

RûpelNews - Di daxuyaniyeke ku ji aliyê Baroya Wanê ve hat weşandin de, hat destnîşankirin ku xwedegiravî heneka ku ji aliyê Rahmi Koç ve hatiye vegotin û zimanê ku di dîmenê ku gihîştiye bala raya giştî de hatiye bikaranîn, ji cewherê wisa ne ku nasnameya Kurdî biçûk dikin û di nav civakê de têgihiştineke neyînî diafirînin, di heman demê de gotarên cinsî ên ku jinan dixin nava xetereyê jî dihewînin.

Daxuyaniyê tekez kir ku zimanê ku li ser bingeha nasnameya etnîkî bi mirovan dikene, wan biçûk dibîne an nirxê wan kêm dike, her wiha îfadeyên ku jinan biçûk dibînin û qalibên zayendî dubare dikin, zirarê didin aştiya civakî, prensîba hemwelatiya wekhev, wekheviya zayendî û rûmeta mirovî. Hat diyarkirin ku gotinên wiha yên ku ji aliyê kesayetiyên giştî ve tên bikaranîn, rîska normalîzekirina cudakariyê û kûrkirina pêşdaraziyên civakî bi xwe re tînin.

Baroya Wanê ragihand ku ew ê li dijî kesên navborî gilînameyeke cezayî tomar bike, da ku gotinên navborî ji aliyê yasayî ve bên nirxandin û lêpirsîna pêwîst were kirin.

Çi bibû?

Karsaz Rahmi Koç di vekirina nexweşxaneyekê de li Îzmîrê got: "Bijîşk guh da gilî û gazincên jina kurd. Gava wî got, 'Xanim, were pişt perdeyê û cilên xwe ji xwe bike,' jinika kurd bersiv da, 'Bijîşk, tu pêşî cilên xwe ji xwe bike.'"

Piştî ku ev gotin li ser medyaya civakî belav bû, gelek kes bertek nîşanî Koç dan û ji Koç xwestin ku ji jinên kurd lêborînê bixwaze.