Baroya Diyarbekirê ji bo betalkirina baca zêde li Dadgeha Bilind doz vekir

PeyamaKurd – Baroya Diyarbekirê ji bo betalkirina baca zêde û zamên vê dawiyê yên hikûmeta Tirkiyeyê li ser her cûre xurek û berheman doz vekir.

Baroya Diyarbekirê ragihand ku wan ji bo ku betalkirina bacên zêde û zamên dawî yên hatine sepandin, serî li Dadgeha Şewrê ya Bilind daye.

Di daxuyaniyê de hatiye gotin, piştî Baca Wesayîtên Taybet hat zêdekirin û ev yek di rojnameya fermî de hat weşandin wan jî gaveke hiquqî avêt û serîladan kir û da zanîn, madeya 12. a yasaya nû ya zêdekirina bacê ne li gorî hêmana baca qanûnî ye û divê were betalkirin.

Baroyê daye xuyakirin ku yasaya hatiye derxistin li dijî madeya destûrê ya 73emîn e.