Baraneke gur bariya, bajar di bin avê de man
Li Stenbol û Enqere û gelek bajarên din baraneke zêde bariya û jiyana rojane asteng bû. Ji ber barana dijwar, li ser kolan û rêyan gol çêbûn û hin derbasgehên binê erdê û rêyên din jî ji bo çûnûhatinê hatin girtin. Gelek otomobîl di nava avê de man.
RûpelNews - Li herêmên ku baranê bandor kiribûn, gelek mal û kargeh di bin avê de man. Li hin xalan, otomobîl, motosîklet û barhilgir di bin avê de man.
Li navçeya Mamakê ya Enqereyê, ji ber barana zêde dîwarên baxçeyan hilweşiyan û rêyek xera bû. Wesayîteke bazirganiyê ya sivik a ku ket qulika ku çêbûbû, zirareke madî dît, di heman demê de piştî ku tedbîrên ewlehiyê hatin girtin, xizmetên hawarçûnê li herêmê dest bi kar kirin.
Saziyên meteorolojiyê, ku destnîşan kirin dibe ku barana zêde bidome, bang li welatiyan kirin ku hişyar bimînin û li hember lehiya ji nişka ve û astengiyên di veguhastinê de tedbîrên pêwîst bigirin.
