Balafirên Tirkiyê Çiyayê Metîna û bejahiya Amediyê bombebaran kirin

PeyamaKurd – Rêxistina CPTyê ragihand ku balafirên şer ên Tirk, Çiyayê Metîna û bejahiya Amediyê yên Herêma Kurdistanê bombebaran kirin.

Nûnerê Herêma Kurdistanê yê Christian Peacemaker Teamsê (Tîmên Aştîxwaz ên Xiristiyanan) ku navenda wê li Amerîkayê ye, Kamêran Osman ragihand, balafirên şer ên Tirkiyeyê duh Çiyayê Metîna û derdora gundê Belave yê navçeya Amediya Dihokê yên Herêma Kurdistanê bombebaran kirin.

Kamêran Osman diyar kir ku di encama êrîşên saet 16.15an de tu ziyanên canî çênebûne.

Lê hat destnîşankirin ku ji ber bomberdûmanê tirs û xofek di nav gundî û tûrîstan de çêbûye ku çûbûn serdana herêmê.