Artêsa Tirkiyê Efrînê bombebaran dike: 18 sivîl hatin kustin.

Çavdêriya Mafên Mirovan ya li Suriyê ragihand ku ev du roj in ku artêşa Tirkiyê bajarê Efrînê bi balafirên şer bombebaran dike.

Li gorî doneyên Çavdêriya Mafên Mirovan ya li Suriyê (ÇMMS), 5 jê zarok 18 sivîl hatin kuştin û 45 kes jî birîndar bûn.

Hat eşkerekirin ku gundên Maratê, Xelnêrê, Keferşîlê û Coqê ketine destê artêşa Tirkiyê de û dixwazin bikevine nava bajarê Efrînê de.

Êrîşên Artêşa Tirkiyê li ser Efrînê îro di roja 56emîn de berdewam dikin, Li gorî doneyên Çavdêriya Mafên Mirovan ya li Suriyê (ÇMMS), 41 jê zarok 26 jê jin, tevde 245 kesên sivîl hatine kuştin û bi sedan sivîl jî birîndar bûne.