Trump ji ber Hurmuzê gef li Îranê xwar
RûpelNews - Di daxuyaniyeke ku li ser medyaya civakî parve kir de, Trump li ser kiryarên muhtemel ên Îranê yên li Tengava Hurmuzê şîrove kir.
'Em ê 20 qatî xurtir bersiv bidin'
Trump got ku eger Îran hewl bide ku şandina petrolê ya di kendavê re rawestîne, DYA dê bi bersiveke leşkerî ya xurt bersiv bide.
Trump got, ‘Eger Îran tiştekî bike ji bo rawestandina derbasbûna petrolê ya di Tengava Hurmuzê re, ew ê 20 qat ji wê yekê xirabtir lê bixe ku heta niha ji aliyê Dewletên Yekbûyî ve lê hatiye xistin," û anî ziman ku hin armancên Îranê dikarin "bi hêsanî bên wêrankirin."
Trump her wiha da zanîn ku senaryoyeke wiha dê ji bo Îranê hema hema ne mimkun be ku xwe wek welatekê ji nû ve ava bike.
Di daxuyaniya xwe de, Trump got ku parastina Tengava Hurmuzê girîng e, bi taybetî ji bo wan welatên ku tengavê bi awayekî berfireh bi kar tînin.
Serokê DYAyê vekirîhiştina tengavê wekî 'avantajeke ku ji aliyê DYAyê ve tê pêşkêşkirin' ji bo gelek welatan, bi taybetî Çînê, bi nav kir.
‘Ez dixwazim Tengava Hurmuzê kontrol bikim’
Trump berê di hevpeyvîneke 9ê Adarê de bi CBS News re, derbarê Tengava Hormuzê de daxuyaniyên balkêş dabûn.
Trump got, ‘Hin keşti niha derbas dibin, lê ez li ser wergirtina kontrola tengavê difikirim.’
Îranê daxuyanî da
Îranê bersiv da daxuyaniyên Trump
Di daxuyaniyê de hat gotin ku welatên ku balyozên Îsraîl û DYAyê derxînin, dê ji îro û pê de karibin di Tengava Hurmuzê re derbas bibin.