“Tirkiye S-400 firotine welateke din, ev yek dê îro were piştrastkirin"

RûpelNews - Rojnameger Abdulkadîr Selvî, di qunciknivîsa xwe ya di rojnameya Hurtiyetê ya îro de derbarê sîstemên parastina hewayî yên S-400 ên Tirkiyeyê de hin şîroveyên balkêş kirin.

Li ser bingeha agahiyên pişt perdê yên ku wî bi dest xistibûn, Selvî îdia kir ku sîstemên S-400 ji welatekî sêyemîn re hatine firotin. Selvî, ku destnîşan kir ku dihat payîn firotin îro were piştrastkirin, nivîsî ku dê sîstem ji bo welatekî li herêma Kendavê werin şandin.

Di gotarê de hat destnîşankirin ku her çend îdiayên ku welatê navborî dibe ku Îmaratên Erebî yên Yekbûyî an Qeter be hebin jî, agahiyên teqez dê tenê bi daxuyaniyeke fermî bên piştrastkirin.

Têkildarî cezayên CAATSA

Selvî destnîşan kir ku paşeroja S-400an piştî daxuyaniya Serokê Dewletên Yekbûyî yên Amerîkayê (DYA) Donald Trump a ku gotibû cezayên CAATSA dê bên rakirin, dîsa ketiye rojeva nîqaşan.

Di gotarê de hat gotin ku, ji bo rakirina cezayan, dibe ku pêwîst be rêveberiya DYAyê garantiyan bide Kongreyê ku sîstemên S-400 ne di bikaranîna çalak de ne, ku Tirkiye xwediyê van sîsteman nîne, an jî ku têkiliyên berevaniyê yên bi vî rengî bi Rûsyayê re nayên domandin.

"Tirkiye dikare hem xwe ji cezayan dûr bixe û hem jî dahatê bi dest bixe"

Selvî parast ku, eger S-400 werin firotin, Tirkiye ne tenê dê ji cezayên CAATSAyê xilas bibe, lê herwiha dê ji firotina sîsteman dahateke aborî jî bi dest bixe.

Selvî, yê ku anî ziman ku dewletên Kendavê piştî pevçûnên herêmî yên dawî berê xwe dane sîstemên parastina hewayî yên alternatîf, diyar kir ku dibe ku vê rewşê eleqeya ji bo S-400an zêde kiribe.