Surprîzên Kûpaya Cîhanê: Almanya û Hollanda ji pêşbirkê ketin

RûpelNews - Di maçê de, Paragwayê bi golek ji Enciso pêş ket, Almanyayê bi golek ji Havertz wekhev kir. Di dema zêde de, golek ji Jonathan Tah piştî lêkolîneke VARê hat betalkirin. Paraguayê di penaltiyan de bi encama 4-3 li hemberî hevrika xwe bi ser ket û dê di tûra 16an de bi serketiyê maça Fransa û Swêdê re bilîze.

Bi vê encamê, Almanya cara yekem di dîroka Kûpaya Cîhanê de bi penaltiyan ji pêşbirkê hat avêtin, her wiha ji bo sêyemîn Kûpaya Cîhanê li pey hev nekarî bigihîje tûra 16an.

Şokek mezin: Fasê Hollandayê ji qonaxê derxist

Di surprîza din a rojê de, Fasê Hollandayê di penaltiyan de ji pêşbirkê derxist. Tîma Bakurê Afrîkayê, piştî ku bi gola Gakpo ketibû paş, bi saya gola Diop a di deqîqeya 90+1an de lîstik bir dema zêde.s

Piştî ku di dema zêde de encam wekhev ma, maç derbasî penaltiyan bû, û li wir Fasê bi encama 3-2 li hemberî dijberên xwe bi ser ket û derbasî 16 tîmên dawî bû.
Bi vî awayî, Almanya û Hollanda zû ji pêşbirka Kûpaya Cîhanê man, Paragway û Fasê cihê xwe di 16 tîmên dawî de misoger kirin.