Sûriyeyê bertekek tund da Îsraîlê

RûpelNews - Wezareta Karên Derve û Koçberan a Sûriyeyê ragihand ku droneke Îsraîlê wesayîteke sivîl li ser rêya di navbera Mezra Beyt Jin û gundê Beyt Jin de kiriye armanc. Hat ragihandin ku di êrîşê de hejmarek sivîl birîndar bûne.

"Îsraîl berpirsiyar e"

Wezaretê diyar kir ku êrîş binpêkirineke eşkere ya hiqûqa navneteweyî ye û wekî beşek ji êrîşên dubare yên Îsraîlê yên li ser axa Sûriyê pêk hatiye.

Di daxuyaniyê de hat tekezkir ku Sûriyeyê Îsraîlê ji hemû encamên van êrîşan berpirsiyar dibîne. Hat tekezkirin ku berdewamiya êrîşên bi vî rengî dê aloziya li herêmê zêde bike û ewlehiya sivîlan bixe xeterê.

Şamê bangî Neteweyên Yekbûyî kir

Hikûmeta Sûriyê bang li civaka navneteweyî û Konseya Ewlekariyê ya Neteweyên Yekbûyî kir û xwest ku ji bo rawestandina êrîşên Îsraîlê û bidawîkirina binpêkirinên serweriya Sûriyeyê tevbigerin.