Sûcdarekî Enfala Barzaniyan ku li benda îdamê bû ji ber nexweşiyê mir

RûpelNews - Şakir Taha Yehya Xefûr el-Dûrî, ku di 28ê Kanûna 2025an de ji ber tevlîbûna wî ya di jenosîda li dijî Barzaniyan (Enfala Barzaniyan) de ku di sala 1983an de di dema rejîma Beasê de hatibû kirin, bi îdamê hatibû mehkûmkirin, berî ku cezayê wî were cîbicîkirin li nexweşxaneyê mir.

Parêzerê doza Enfala Barzaniyan Eyad Kakeyî, îro di daxuyaniyekê de ji Rûdawê re wiha got:

"Doza Şakir Taha ji bo cîbicîkirina cezayê wî ji bo Dadgeha Temyîzê hatibû şandin. Lêbelê, pêvajoyên îdarî û yasayî demeke dirêj kişandin û ew berî ku cezayê wî were cîbicîkirin mir."

Şakir Dûrî ji ber sûcê komkujiya li dijî Barzaniyan li herêma Seqlawiye, ku beşek ji Felûceyê ya parêzgeha Enbarê ye, bi îdamê hatibû mehkûmkirin.

Kesê mehkûm îro (25ê Gulanê) mir. Lêbelê, ev yek nehat ragihandin û parêzerê dozê tenê paşê hat agahdarkirin.

Enfala Barzaniyan

Nêzîkî 43 sal berê, rejîma Beasê li Iraqê zêdetirî 8000 hezar welatiyên Barzanî, bêyî cudahiya temen û zayendê, bi zorê winda û komelkuj kirin.

Komkujiya li dijî Barzaniyan di 31ê Tîrmeha 1983an de dest pê kir û heta nîvê Tebaxa heman salê berdewam kir.

Heta îro, tenê cenazeyên 696 qurbaniyên Enfala Barzaniyan vegerandine Kurdistanê.