Serok Barzanî pêşwaziya hejmareke serokhoz û kesatiyên Îraqê kir
RûpelNews - Baregayê Barzanî ragihand ku Serok Mesûd Barzanî li Pîrmamê pêşwazî li hejmareke kesatî, rûspî û serokên eşîret û hozên parêzgehên Îraqê kir.
Baregayê Barzanî da zanîn jî ku şanda mêvan bi merema pêşkêşkirina sersaxiyê serdana Serok Barzanî kiribû û hevxemiya xwe bo koça dawiyê ya Xudêjêrazî Ebdulwahid Îbrahîm Şêx Ebdulselam Barzanî nîşan dan.
Her di wê civînê de, şanda mêvan rola Serok Barzanî di xurtkirina biratî û pêkvejiyana navbera pêkhateyan de bi giştî û bi taybetî di navbera Kurd û Ereban de bilind nirxand. Ji aliyê xwe ve, Serok Barzanî tekez kir ku divê duberekiyên navbera aliyên siyasî nebin sedema têkçûna peywendiyên navbera pêkhateyên kurd û ereb.
Serok Barzanî dîyar jî kir ku wan parlamenterên xwe spartine ku di erk û karên xwe de bo hemî Îraq û Kurdistanê bê cihêrengî kar bikin," û tekez li ser berdewamiya bizavan ji bo berfirehkirina biratî û peywendiyên navbera kurd û ereban kir. (K24)