Serok Barzanî, banga lihevhatinê li Hewlêr Bexda kir
RûpelNews - Digel ku encamên herêmî yên şerê Îran-Amerîka-Îsraîl, ku ji 28ê Sibatê ve li Rojhilata Navîn berdewam dikin, zexta li ser aborî û hevsengiya siyasî ya Iraqê jî zêde dikin. Di daxuyaniya xwe de, Serok Barzanî tekezî li ser wê yekê kir ku pêwîst e pirsgirêkên di navbera hikûmeta navendî û Hikûmeta Herêma Kurdistanê de bi lezgînî werin çareserkirin.
‘Rîskên cidî hene’
Di peyama xwe de, Barzanî diyar kir ku rewşa şer û nediyariyê ya li herêmê ji bo Iraqê rîskên cidî çêdike, û bangî aliyan kir. Peyama Serok Barzanî wiha ye: "Ez bang li Hikûmeta Federal a Iraqê û Hikûmeta Herêma Kurdistanê dikim ku demildest li hev kom bibin da ku pirsgirêkan çareser bikin û bigihîjin lihevkirinekê. Divê rê li ber wan firsendperestan neyê dayîn ku van krîzan hê kûrtir bikin."
Serok Barzanî her wiha hişyarî da ku berfirehbûna cudahiyên siyasî di navbera partiyan de di demek ewqas krîtîk de dikare Iraqê lewaztir bike.