Cîhan
‘Şerê Îranê’ dê kengê bi dawî bibe? Trump: Ez ê biryarê bidim
Trump got, derbarê dema bi dawîkirina ‘şerê Îranê’ de dê ew biryarê bide. Her wiha got ku ew ê nêrînên Netanyahu jî li ber çavan bigire.
RûpelNews - Serokê Amerîkayê Donald Trump, di hevpeyvînekê de ligel The Times of Israel, nirxand ka şerê li dijî Îranê kengê dê biqede.
Her wiha Trump got, "Ez ê biryara dawî bidim, lê ez ê nêrînên Netanyahu jî li ber çavan bigirim."
Trump got ku Îran êrîşî Îsraîlê û hevalbendên wê yên li herêmê dike û diyar kir ku Amerîka û Îsraîl bi hev re dixebitin û got, "Me bi hev re xebitîn û welatekî ku dixwest Îsraîlê tune bike rawestand."
Qesra Spî demek diyar kir
Di heman demê de, daxuyaniyên Qesra Spî jî derbarê dema operasyonan de bendewariyên xwe parve kirin. Sekretera Çapemeniyê ya Qesra Spî Karoline Leavitt roja Înê diyar kir ku rêveberiya Washingtonê pêşbînî dike ku şer dê bi qasî 4 heta 6 hefteyan bidome.