Tirkiye
Serbazekî tirk ê li Herêma Kurdistanê birîndar bûbû jiyana xwe ji dest da
Serbazekî tirk ku di 22ê Gulanê de li herêmeke sînorê Herêma Kurdistanê ku ji aliyê Hêzên Çekdar ên Tirkiyê ve wekî herêma 'Operasyona Pençe-Qulf' tê binavkirin, di qezayeke wesayîteke leşkerî de birîndar bûbû, jiyana xwe ji dest da.
RûpelNews - Wezareta Parastinê ya Tirkiyeyê derbarê bûyerê de daxuyaniyeke nivîskî weşand.
Hat ragihandin ku Piyade Çawîşê Pispor Abdurrahman Hilal, ku di qezaya wesayîta leşkerî de li herêma 'Operasyona Pençe-Qulf' birîndar bûbû, li nexweşxaneya ku lê dihat dermankirin, mir.
Serbaz Hilal, ku piştî qezaya 22ê Gulanê li Nexweşxaneya Perwerde û Lêkolînê ya Gulhane ya Enqerê tedawî dibû, îro jiyana xwe ji dest da.
Parêzgariya Aksarayê amadekariyên cenazeyê Hilal ragihand. Merasima cenazeyê wî dê sibê piştî nimêja nîvro li Mizgefta Mezin ya Aksarayê were lidarxistin û piştre dê were veşartin.