Rûsya: Emê li beramber cezayên li dijî Moskova bêdeng nemînin
PeyamaKurd - Rûsya got ew dê cezayên ku Amerîka, Canada û Yekîtiya Ewrupayê li ser Moskova sepandibûn bê bersiv nehêle.
Di encama êrîşa Rûsya ya dijî sê gemiyên Ukranî, derbasbûna nîvgirava Qirim û çalakiyên wê yên li rojhilatê Ukranya de, Amerîka,Canada û Yekîtiya Ewrupî biryar da ku cezayan deynin ser Rûsya.
Wezareta xezîneya Amerîka roja Înê di daxuyaniyekê de got cezayên Amerîka “şeş kes û 8 dezgehên Rûsî kirin armanc wek bersiv ji kiryarên dijminahî yên berdewam ên Rûsya re li Ukranya.”
Wezîrê xezîneyê Steven Mnuchin di daxuyaniyê de got:
“Destpêşxeriya hevbeş li gel hevparên me yên Yekîtiya Ewrupî û Canada , pêgiriyên me yên hevbeş li dor sepandina cezayan cîbicî dike, wek bersiv ji hewildanên Kremlin ên paşguhxistina pîvanên navnetewî û têkbirina serwerî û serbixweyî ya Ukranya re.”