Sîpor
Ronaldinho vedigere futbolê
Ronaldinho xwe amade dike ku vegere futbola profesyonel. Lîstikvanê brezîlî yê 46 salî dê bi Ravenna FC, tîma ku di Serie C ya Îtalyayê de dilîze, re peymanekê îmze bike.
RûpelNews - Ronaldinho, yek ji efsaneyên herî mezin ên futbolê, ku nêzîkî 11 sal berê dev ji futbolê berdabû, vedigere qadê.
Li gorî raporên di çapemeniya îtalî û brîtanî de, efsaneyê brezîlî dê vegera xwe ya futbolê bi Ravenna FC, tîmeke di Serie C ya Îtalyayê de, bike.
Ronaldinho di derbarê mijarê de axivî û got, "Ez bêsebir im ku careke din bi gogê re bireqisim û li gel Ignazio û tevahiya malbata Cipriani rûpeleke nû vekin. Futbol her tim ji bo min çavkaniya kêfxweşiyê bûye û ez dixwazim heman ruhî bînim Ravennayê."
Tê payîn ku danasîna fermî ya Ronaldinho di 23ê Hezîranê de li Miamiyê pêk were; ew dê paşê ji Tîrmehê û pê de beşdarî kampa rahênanê bibe.