Rojava | HSD: Emê hemû terorîstan tune bikin

PeyamaKurd – Hêzên Sûriya Demokratîk (HSD) ragihand ku ew dê operasyonên xwe yên li Sûriyê li ser şaneyên DAIŞê zêde bikin û piştrast dikin ku dê wan tune bikin.

Fermandariya Giştî ya HSDê bi daxuyaniyekê ragihand, “Emê bi piştevaniya hevpeymaniya navdewletî operasyonên dijî DAIŞê zêde bikin û heta hemû terorîstan tune bikin, aramî û ewlekariya herêmê dabîn bikin em piştrast dikin ku bi ser hemû şaneyên razayî de biçin.”

Di daxuyaniyê de hat diyarkirin ku êrîşa Minbicê bi mebesta peydakirina tirsê û aloziyê li herêmê hatiye kirin û li demeke terorîst ji Dêrazorê vedikişin Hecînê şaneyên razayî hatine bikaranîn.