Riha: Hewl da marekê bikuje, pênc kes birîndar kirin

RûpelNews - Li navçeya Sêwreg a Rihayê, dema ku zilamekî gule li marekê ku li mala xwe dîtibû reşand, pênc kes birîndar bûn.

Li taxa gundewarî ya Têzxerabê, H.O. (56) bi tivinga xwe ya nêçîrê gule li marekê ku li mala xwe dîtibû reşand.

R.O. (59), Y.B. (4), E.Y. (31), M.S.Y. (4) û F.E. (6), ên ku li cihê bûyerê bûn, ji ber guleyên tivinga nêçîrê û kevirên ku ji erdê pekiyan, bi sivikî birîndar bûn.

Piştî agahiyê, tîmên cendirme û tenduristiyê ji bo herêmê hatin şandin.

Hat ragihandin ku rewşa birîndarên ku ji aliyê tîmên tenduristiyê ve rakiribûn Nexweşxaneya Dewletê ya Sêwregê, stabîl e. (Çavkanî: AA)