Piştî 3 meh û 20 rojan cenazeyê çiyagerekî jin li ser Çiyayê Agirîyê hat dîtin

RûpelNews - Cenazeyê bêcan ê Sevîm Yilmaz a 58 salî, ku di 22ê Adarê de di dema hilkişîna lûtkeya Çiyayê Agirîyê de winda bûbû, piştî operasyoneke lêgerînê ya 3 meh û 20 rojan hat dîtin.

Piştî ku Yilmaz ku ji komeke çiyageriyê ya rêberkirî ya pênc kesan ku dixwest vegere kampê veqetiyabû negihîşt kampê, tîmên ji AFAD, Lêgerîn û Rizgarkirina Jendermeyan (JAK), UMKE û çiyagerên profesyonel pêk dihatin, operasyoneke lêgerînê ya berfireh li herêmê dest pê kirin. Balafirên keşfê yên Jendermeyan, wesayîtên hewayî yên bêmirov (UAV) û dron jî piştgirî dan hewldanan.

Di operasyonên ku tevî hewaya nebaş û erdê dijwar berdewam kirin de, UAV cil û berg û cenazeyekî mirovî tespît kirin. Tîmên ku gihîştin cihê bûyerê piştî vekolînê dîtina cenazeyê bêcan piştrast kirin.

Dema ku cenaze ji cihê bûyerê dihat derxistin û ji çiyê dihatin xwarê, hat ragihandin ku ji bo diyarkirina nasnameya wê dê analîza DNAyê were kirin. Piştî encamên testê dê were diyarkirin ka gelo cenaze ya Sevim Yilmaz e an na.