PDK: Bazariyên dizî yên li ser Kerkûkê nayên qebûlkirin
RûpelNews -
Berdevkê Partiya Demokrat a Kurdistanê (PDK) Mehmûd Mihemed der barê krîza îdarî ya Kerkûkê de daxuyaniyekê belav kir.
Mehmûd Mihemed sedema bûyerên îro li Kerkukê rû didin bi civîna Hotêla Reşîd girê dide û li ser helwesta PDK wiha got: "Helwesta partiya me ron û eşkere ye û em li dijî wan sefeqatan bûn, ku li derveyî niyeta baş li Hotêla Reşîdê û bêyî tevlîbûna aliyên siyasî yên ku nûnertiya xelkê xweragir ê Kerkûkê dikir li ser wî bajarê xweşevî hatin sepandin. Ev rewşa niha jî encam û berdewamiya wan sefeqatan e!"
Di berdewamiya daxuyaniyê de hat gotin: "Partiya Demokrat a Kurdistanê ji bo Kerkûkê wekî nîştiman û ji bo xelkê wê yê ezîz gelek qurbanî dane û hemî helwest û bizavên PDKê ji bo serbilindî û bextewariya wan bûne."
Di daxuyaniyê de bal tê kişandin ser girîngiya piştgiriya PDK bo mafê pêkhateyên Iraqê û Herêma Kurdistanê û wiha hat gotin: "Em wek PDK bi eşkereyî dibêjin pêşketina welatê me bi dabînkirina mafên rewa yên tevahiya pêkhateyên neteweyî, olî û mezhebî ve girêdayî ye. Baweriya me jî ew e ku Kerkûk navenda pêkvejiyana tevahiya pêkhateyên xwe ye."
Berdevkê PDKê tekez kir ku ew dê ligel wan biryar û raspardeyan bin ên ku bi hevpariya hemî aliyên siyasî û nûnerên pêkhateyan bên dan.