Pakistan: Amerîka û Îran dixwazin ku carekedin danûstandinan bikin

RûpelNews - Rayedarekî Wezareta Derve ya Pakistanê ji Al Jazeera re got ku her du alî jî ji bo gera duyemîn amade ne, lê demek diyarkirî û cih nehatiye destnîşankirin.

Rayedar her wiha teqez kir ku agirbesta heyî ya li Lubnanê beşek girîng a pêvajoyê ye, û got, "Aramiya li Lubnanê şertek bingehîn e ji bo pêşveçûna danûstandinên aştiyê."

Ji aliyekî din ve, têkiliyên dawî yên di navbera Amerîka û Îranê de li Îslamabadê bi rêkeftinekê encam nedan.

JD Vance ragihand ku danûstandin bê lihevkirin bi dawî bûne. Rêveberiya Tehranê têkçûna vê yekê bi "daxwazên zêde" yên Washingtonê ve girêda. Piştî êrîşên Amerîka û Îsraîlê yên li ser Îranê di 28ê Sibatê de, aloziyên li herêmê zêde bûn û pêvajo bi agirbesta ku di 8ê Nîsanê de pêk hat demkî hate rawestandin.