New York Times: Hejmara leşkerên Amerîkî li Rojhilata Navîn ji 50 hezarî borî
RûpelNews - Rojnameyê ji devêberpirsekî bilind ê Amerîkî veguhast ku Serokê Amerîkayê Donald Trump li ser çend vebijarkên leşkerî hûr dibe da ku dorpêça Îranê ya li ser Tengava Hurmuzê bişkîne. Trump îşaret bi egera şandina ‘hêzên taybet’ kir da ku ewlehiya korîdora avê ya girîng û parastina tangêrên petrolê misoger bikin, ji ber ku bilindbûna nirxê sotemeniyê li cîhanê fikarên mezin çêkirine.
Kontrolkirina rêya petrolê ya deryayî
Di heman çarçoveyê de, Serokê Amerîkayê Donald Trump careke din zimanê xwe yê gefxwarinê li hember çavkaniyên aborî yên Tahranê tund kir. Trump di hevpeyvînekê de ligel rojnameya "Financial Times" tekez kir ku ew dixwaze "dest deyne ser petrola Îranê" û bi eşkereyî behsa plana Washingtonê ya ji bo kontrolkirina "Girava Xark" a stratejîk kir.
Girava Xark, ku li bakurê Kendavê û nêzîkî 30 kîlometre dûrî peravên Îranê ye, navenda sereke ya hinardekirina petrola Îranê ye. Li gorî daneyên banka "JP Morgan" a Amerîkî, ji sedî 90ê petrola xav a Îranê di ser vê giravê re derbas dibe. Hêjayî gotinê ye ku di nîvê meha Adarê de ev girav rûbirûyê êrîşeke Amerîkayê bibû.