Nêçîrvan Barzanî û Hakan Fîdan li ser rewşa dawî axivîn
RûpelNews - Serokê Herêma Kurdistanê Nêçîrvan Barzanî û Wezîrê Karên Derve yê Tirkiyeyê Hakan Fîdan bi telefonê axivîn.
Li gor daxuyaniya nivîskî ya Serokatiya Herema Kurdistanê, êvarê roja 3ê Adarê 2026an, Serok Nêçirvan Barzani bi Wezîrê Karên Derve yê Tirkiyeyê Hakan Fîdan re telefonî axivî.
Pêşketinên herêmê hatine nirxandin
Di peywendiyê de, pêşketinên dawî yên herêmê bi awayekî berfireh hatin nirxandin. Herdu alî bal kişandin ser giringiya parastina istîkrarê û pêşîgirtina rîskan di şert û mercên heyî de.
Koordînasyona hevbeş ji bo aşti
Barzani û Fîdan giringiya koordînasyon û xebata hevbeş ji bo domandina aştiyê û ewlehiya herêmî dubare kirin. Herdu aliyan diyar kir ku xurtkirina hevkariyê di vê qonaxê de rolekî stratejîk û krîtîk dilîze.
Di telefonê de her weha têkiliyên Tirkiyeyê bi Iraq û Herema Kurdistanê re û mijarên ku herdu aliyan eleqedar dikin jî hatin gotin.
Di daxuyaniyê de hate diyar kirin ku berjewendiyên hevbeş û hevkariyê di nav mijarên sereke yên danisînê de bûn.