Li Tehranê teqîn çêbûn

RûpelNews - Ajansa nûçeyan a "Fars" a Îranê ragihand ku îro, li rojavayê Tehranê dengê çend teqînên bi hêz hatiye bihistin. Agahiyên destpêkê nîşan didin ku nuqteyên ewlehiyê hatine armancgirtin.

Otomobîlek bombekirî û bombeyên destçêkirî

Li gorî zanyariyan, li nêzîkî taxa "Ceyhûn" a li rojavayê Tehranê, otomobîleke bombekirî li nêzîkî xala kontrolê ya hêzên "Besîc" teqiyaye. Her wiha hat diyarkirin ku beriya vê teqînê, li xala kontrolê ya "Îmam Xumeynî" ya di navbera Ceyhûn û Yadeştê de teqîneke din pêk hatiye. Ajansa Fars îdia kir ku teqîn bi rêya "bombeyên destçêkirî" hatine kirin û tenê ziyanên madî çêbûne.

Ziyanên canî û birîndar

Lêbelê, çavkaniyên herêmî agahiyên cuda belav kirin û ragihandin ku di encama teqînan de herî kêm 3 kes birîndar bûne. Her wiha hat diyarkirin ku camên sê xaniyan şikestine û zirar gihîştiye du otomobîlan.