Li Sûriyê mîn teqiya: Zarok bûn qurbanî

RûpelNews - Li gundewarê parêzgeha Derayê ya li başûrê Sûriyê, di encama teqîna mîneke bermayî, zarokekê jiyana xwe ji dest da û 3 zarok jî birîndar bûn.

Li gorî raporteke ajansa nûçeyan a fermî ya Sûriyê SANA, mîneke erdê ya ji dema şer mayî li gundê El-Xariye yê li derdora rojhilatê Derayê teqiya.

Hat ragihandin ku di encama teqînê de zarokek mir û sê zarok jî birîndar bûn.

Li gundê Ebu Habbe yê li parêzgeha Idlibê ya bakurê Sûriyê, di 21ê Gulana 2026an de, piştî teqîna mîneke bejayî ya bermayiya şer, çar zarok mirin û sê jî birîndar bûn.

Li gorî raporeke Ofîsa Neteweyên Yekbûyî ya ji bo Koordînasyona Karûbarên Mirovî (OCHA), di navbera Kanûna 2024an û Nîsana 2026an de, li Sûriyê ji ber teqînên bermahiyên şer 688 kesan jiyana xwe ji dest dan û 1865 kes jî birîndar bûn.