Li Stenbolê 39 gumanbarên DAIŞê hatin girtin

RûpelNews - Li gorî agahiyên polîsan, vê şaneyê di bin sîwana komele û mizgeftên bêdestûr de çalakiyên xwe dimeşandin û dersên olî û civîn li dar dixistin. Vê komê di bin navê "Zekat û Sedeqeyê" de, ji alîgirên rêxistinê pereyên zêde kom dikirin da ku wan wekî çavkaniyên darayî ji bo çalakiyên terorîstî bikar bînin.

Ketina "Muhemmedê Şofêr"

Di lêpirsînan de derket holê ku serkêşiya vê şaneyê ji aliyê kesê bi navê Orhan Küçük ve dihat kirin, ku bi nasnavê "Muhemmedê Şofêr" tê naskirin. Çavkaniyên ewlehiyê diyar kirin ku Küçük li cihên neyasayî çavdêriya xapandina ciwanan dikir û ew li dijî dewlet û saziyên hukûmetê ji bo ramanên tundrew han didan.

Hûrguliyên serdegirtin û destserkirinan

Operasyon bi kordînasyona Buroya Lêpirsîna Sûcên Terorê, Midûriyeta Têkoşîna Dijî Terorê û Teşkîlata Îstixbaratê ya Stenbolê pêk hat. Di operasyonê de di heman demê de serdegirtin birin ser 43 navnîşanên cuda ku di nav wan de du mizgeftên bêdestûr jî hebûn. Hêzên ewlehiyê ji 42 kesên ku biryara girtina wan hebû, 39 kes girtin.

Di dema lêgerîna navnîşanan de, gelek belge û amûrên leşkerî hatin destserkirin, wekî:
Gelek materyal û amûrên dîjîtal. Çekên bêdestûr û 50 fîşek. Çekên sar (kêr û xencer).

Dron û amûrên elektronîk ên pêşketî ku niha ji bo tespîtkirina peywendiyên şaneyê û planên wan ên pêşerojê bi hûrgulî tên lêkolîn kirin.