Li Qamişlo 2 kes ji ber guleberana bêserûber mirin

RûpelNews - Pîrozbahiyên ji bo azadkirina komek girtiyan li bajarê Qamişloyê bû sedema karesatekê.

Dema berdana girtiyên ji zindana hikûmeta Sûriyeyê bi kêfî gule hatin berdan li derûdor û ji ber gulebarana bêserûber gelek kes birîndar bûn.

Çavkaniyeke pizîşkî ji Nexweşxaneya Sûrî ya Pispor li Qamişloyê ragihand ku 7 kesên ku guleyên "rêş" li wan ketine gihandine nexweşxaneyê. Di encamê de 2 kesan ji ber birînên xwe yên giran jiyana xwe ji dest dan, û 5ên din jî hîn di bin çavdêriya pizîşkî de ne, ku rewşa hinek ji wan giran e.

Belavbûna birîndaran li nexweşxaneyan

Heman çavkaniyê diyar kir ku alîkariya yekem ji bo birîndaran hatiye kirin û piştre piraniya wan bo nexweşxaneyên din ên nav bajêr hatine veguhestin da ku dermankirina wan berdewam bike.

Li gorî raporên meydanî, tê çaverêkirin ku hejmara qurbaniyan zêdetir bibe, ji ber ku birîndar li ser çend nexweşxaneyên giştî û taybet li Qamişloyê hatine belavkirin û heta niha amara dawî bi hûrgulî nehatiye diyarkirin.

Hişyarî li dijî reftarên bêserûber

Ev bûyera dilêş di demekê de tê ku daxwazên gelêrî û hiqûqî yên berdewam hene bo dawîanîna bi diyardeya gulebarana bêserûber di şahî û helkeftan de. Ev kiryarên wiha gelek caran kêliyên şahiyê vedigerînin şîna malbatan, ji ber nebûna pabendbûnê bi rêgezên silametiya giştî.