Li Nigdeyê li kargeheke fîşegên hewayî teqîn!
RûpelNews - Ji ber sedemên ku hêj ne diyar in, li kargeheke fîşegên hewayî ya li navçeya Bor a Nigdeyê teqîneke bihêz çêbûye.
Li gorî raporên destpêkê yên ji herêma ku agir hîn jî lê dişewite, hejmareke mezin a karkeran birîndar bûne, herwiha derket holê ku berê jî li heman dezgehê qezayeke kujer qewimîbû.
Teqîn derdora saet 16.45an li kargeheke fîşegên hewayî ya şîrketeke taybet li bajarokê Kemerhisarê pêk hat. Di teqînê de çend karker birîndar bûn.
Piştî raporê, tîmên tenduristiyê ber bi herêmê ve hatin şandin. Kesên birîndar bi ambûlansê rakirin Nexweşxaneya Dewletê ya Borê û Nexweşxaneya Perwerde û Lêkolînê ya Nigdeyê. Tîmên agirkujiyê niha hewl didin ku şewata ku piştî teqînê derketiye, vemirînin.
Di sala 2018an de du kesan jiyana xwe ji dest dan
Di 27ê Çileya 2018an de, di teqîneke li heman fabrîkayê de du kesan jiyana xwe ji dest dan.