Rojhilata Navîn
Li Îranê şer: Fermandarek hat kuştin
Hat ragihandin ku Brîgadîr-General Hossein Zarifi, endamekî Supaya Pasdarên Şoreşa Îslamî ya Îranê (IRGC), di pevçûnên di navbera hêzên ewlehiyê û komên çekdar de li başûrê rojhilatê Îranê jiyana xwe ji dest da.
RûpelNews - Di daxuyaniyeke Fermandariya Qudsê ya Hêzên Bejayî yên IRGCyê de hat diyarkirin ku Brîgadîr-General Zarifi fermandarê Navenda Operasyonan a Şehîd Seccad a Saravanê "di operasyoneke li dijî terorîstên kirêgirtî yên dijmin" de hatiye kuştin.
Herçend derbarê wê operasyona taybet a ku fermandar tê de hat kuştin de hûrgilî nehatin dayîn jî, di demên dawî de raporên derbarê pevçûnên di navbera hêzên ewlehiyê û komên çekdar ên li wê herêmê de hebûn.
Tê zanîn ku rêxistina bi navê "Ceyş el-Edl" li wê herêmê çalak e.
Hat ragihandin ku merasîma oxirkirinê ya fermandarê Îranî dê di 25ê Îlonê de li bajarê Saravanê, li parêzgeha Sîstan û Belûçistanê, were lidarxistin.