Rojhilata Navîn
Li Îranê Rayedarekî Din ê Bilind ê Îstîxbarata Besîc Hat Kuştin
Îro înê، 20ê Adara 2026an, medyaya Îranê nûçeya kuştina Îsmaîl Ehmedî, berpirsê îstîxbarata saziya Besîc û cîgirê Xulampareza Suleymanî (serokê vê saziyê), ragihand.
RûpelNews - Ajansa nûçeyan a "Tesnîm" ku ser bi Supaya Pasdaran a Komara Îslamî ya Îranê ye, di raportekê de derbarê pêgeha navborî de wiha diyar kir: "Îsmaîl Ehmedî yek ji stûnên herî girîng ên saziya Besîc bû û berpirsiyariyeke ewlehiyê ya bilind li ser milê wî bû."
Ehmedî wekî kesayetiyekî bi bandor di nav pêkhateya leşkerî û ewlehiyê ya Besîc de dihat naskirin, ku ev sazî yek ji şaxên herî girîng ên Supaya Pasdaran e. Heya niha derbarê çawaniya kuştina wî û cihê rûdana bûyerê de agahiyên zêdetir di medyaya fermî de nehatine weşandin.
Kuştina Ehmedî di demekê de tê ku herêm di nav şerekî giran de ye û di rojên dawî de gelek serkirdeyên pilebilind ên Îranî bûne armanca êrîşên asmanî û sûîqestan.