Li Hamburgê hejmara rastgirên tundrew berbiçav zêde bûye
RûpelNews - Li gorî rapora Ofîsa Parastina Destûra Bingehîn a Hamburgê, ku ji aliyê Senatorê Karên Navxwe yê Hamburgê Andy Grote (SPD) û Serokê Ofîsa Dewletî ya Parastina Destûra Bingehîn a Hamburgê Torsten Voß ve li şaredariyê hate pêşkêşkirin, hejmara rastgirên tundrew di nav salekê de ji sedî 10 zêdetir li bajêr zêde bû.
Di raporê de hat gotin ku hejmara kesên girêdayî derdorên rastgirên tundrew ji 400î derketiye 450î. Hat destnîşankirin ku 250 ji van kesan wekî xwedî 'meyla tundûtûjiyê' hatine nirxandin. Di rapora berê de, ev hejmar 150 bû. Rayedaran her wiha destnîşan kirin ku derdorên rastgirên tundrew her ku diçe ciwantir dibin û zêdetir taybetmendiyên "binçandî" nîşan didin.
Li gorî raporê, hejmara Îslamîstan, ku li Hamburgê wek koma tundrew a herî mezin dimînin, bi piranî sabit maye. "Potansiyela îslamîst", ku par 1900 bû, îsal wek 1925 hate tomarkirin.
Di hejmara çepgirên tundrew de kêmbûneke biçûk çêbû. Ev hejmar, ku di sala 2024an de 1050 bû, îsal daketiye 1000î.
Senator Grote, Wezîrê Karên Navxwe, Ofîsa Parastina Destûrê wekî "xeta yekem a parastinê ya demokrasiyê" bi nav kir. Grote diyar kir, "Rastgirên tundrewi, îslamîzm û êrîşên hîbrîd ji bo dewleta me û civaka me ya azad pirsgirêkeke cidî çêdikin." (Çavkanî: NDR)