Li çar bajaran dê mîtîngên 'Azadiyê' bên lidarxistin

RûpelNews - Li Amedê çalakiyeke 'Daxuyaniya Mîtînga Azadiyê' hate lidarxistin. Hevserokê DEM Partiyê Tuncel Bakirhan, Hevserokên Partiya Herêmên Demokratîk (DBP) Çîgdem Kiliçgun Uçar û Keskîn Bayindir, hevserokên şaredariyên parêzgeh û navçeyan û gelek nûnerên partiyên siyasî û rêxistinên civaka sivîl beşdar bûn.

Di 27ê Hezîranê de li du bajaran mîtîng 

Endamê Meclîsa Ciwanan a DEM Partiyê Arjîn Batur, di axaftina xwe de diyar kir ku mîtîng dê di 27ê Hezîranê de li Wan û Mersînê, û di 28ê Hezîranê de li Stenbol û Amedê bên lidarxistin.
Batur got, "Em nêzîktirî aştiyê ne; ji bo avakirina civakeke demokratîk bi gelê xwe re, dê di 27ê Hezîranê de li Wan û Mersînê, û di 28ê Hezîranê de li Stenbol û Amedê mîtîng werin lidarxistin."

Bakirhan banga reformên yasayî kir

Hevserokê DEM Partiyê Tuncer Bakirhan jî di axaftina xwe de diyar kir ku divê reformên yasayî yên têkildarî mijarên demokrasî û paşeroja hevpar a Tirkiyeyê werin pêkanîn.
Bakirhan hêviyên xwe anî ziman ku Parlamento dê di vî warî de pêngavan bavêje û tekezî li ser girîngiya vîna siyasî ji bo pêşveçûna pêvajoyê kir. Bakirhan destnîşan kir ku mîtîngên ku dê werin lidarxistin dê daxwazên ji bo demokrasî, aştî û azadiyê nîşan bidin.