Kubad Talabanî: Em rê nadin hêzên Rojhilat ku beşdarî şer bibin
RûpelNews - Di hevpeyvînekê de, Cîgirê Serokwezîrê Herêma Kurdistanê Kubad Talabanî pêşketinên dawî yên li herêmê û rewşa komên muxalefeta kurd ê Îranê nirxand.
Talabanî diyar kir ku wan ti hewldanek ji aliyê Amerîka an jî ti saziyeke girêdayî Washingtonê ve ji bo çekdarkirina komên muxalefeta Îranî li Herêma Kurdistanê nedîtiye.
Talabanî behsa beşdarbûna hêzên Rojhilat di pevçûnên berdewam de kir û diyar kir ku wan peyamek zelal daye van koman, û ragihand ku beşdarbûna di şer de bi rêya axa Herêma Kurdistanê ne "gaveke aqilane" ye. Talabanî teqez kir ku ew ê bi tevahî destûr nedin ku axa wan ji bo şerên wisa were bikar anîn.
Teqez li ser "milîsên rê derketî"
Her wiha Talabanî, bal kişand ser zêdebûna êrîşên dawî yên bi dron yên li ser Herêma Kurdistanê ji aliyê komên çekdar ên Iraqî yên ku ji aliyê Îranê ve têne piştgirî kirin. Talabanî van koman wekî "mîlîsên rê derketî" bi nav kir û diyar kir ku ev êrîş pirsgirêkek ewlehiyê ya cidî çêdikin.
Wî destnîşan kir ku ew bi berdewamî vê mijarê bi hikûmeta Bexdayê re nîqaş dikin û daxwaz kirine ku hikûmeta federal gavên bilez bavêje da ku pêşî li êrîşa van koman bigire û êrîşan rawestîne.
Her wiha Talabanî, got ku Bexdayê di vê mijarê de biryardariyek nîşan daye.