Tirkiye
Ji keyfa avjeniyê trajedî ma: Dayik û bav û xaltî xeniqîn û xwarzî jî winda ye
Li navçeya Tarsusê ya Mersînê ji malbateke pênc kesî sê kes di avê de xeniqîn û yek jî winda bû.
RûpelNews - Li gorî agahiyan, endamên malbatê piştî demekê ji ketina nav deryayê, di nav avê de ketin tengasiyê. Piştî wergirtina agahiyekê ji kesên ku rewş dîtibûn, tîmên parêzvanên peravê, cendirme, polîs û tenduristiyê ji bo herêmê hatin şandin.
Çar kes ji aliyê tîmên hawarçûnê ve ji avê hatin derxistin. Di destpêkê alikariya pizîşkî de hat piştrastkirin ku dayik, bav û xwişka dayikê jiyana xwe ji dest dane.
Keça ciwan a ku di bin xetereya xeniqînê de bû, piştî alîkariya yekem a destpêkê ji bo dermankirinê rakirin nexweşxaneyê.
Operasyonên lêgerîn û rizgarkirinê ji bo dîtina xwarziya winda berdewam dikin, bûyerê li herêmê xemgîniyeke kûr çêkiriye. Derbarê bûyerê de lêpirsînek hatiye destpêkirin.