Ji bo lêkolîna êrîşên li ser dibistanan komîsyonek hate avakirin

RûpelNews - Meclîsa Mezin a Tirkiyeyê bi yekdengî pêşniyara lêpirsîna parlementoyê pejirand da ku hemû aliyên bûyerên li dibistanên Riha û Mereşê qewimîn, her wiha xetere û bandorên neyînî yên ku zarok di jîngehên dîjîtal de pê re rû bi rû dimînin, were lêkolînkirin.

Hefteya borî, li dibistanan, pêşî li Rihayê û dû re jî li Mereşê, êrîşên çekdarî hatin kirin.

Çi qewimî bû?

Di 14ê Nîsanê de, li navçeya Sîverekê, êrîşeke çekdarî li ser Lîseya Anadoluyê ya Pîşeyî û Teknîkî ya Ahmet Koyuncu pêk hat û di encamê de 16 kes birîndar bûn, di nav wan de 4 mamoste, 10 xwendekar, polîsek û xebatkarekî kantînê hebûn. Deh ji birîndaran ji nexweşxaneyê derketin. Gumanbar Omer K. xwe kuşt.

Di 15ê Nîsanê de, li Mereşê, êrîşeke çekdarî ji aliyê Îsa A.M., xwendekarekî Dibistana Navîn a Ayser Çalik ve hat kirin û di encamê de 9 kes hatin kuştin, di nav wan de 8 xwendekar û mamosteyek hebûn.

Her wiha 13 xwendekar jî birîndar bûn, ku 3 ji wan bi giranî bûn. Êrîşkar Îsa A.M. jî di dema bûyerê de mir.