Rojhilata Navîn
Îsraîlê operasyon bir ser Fîloya Sumud: 74 tirk desteserkirin
Leşkerên Îsraîlê li dijî Fîloya Sumud a Cîhanî ya ku bi mebusta alîkariya Xezeyê bi rê ketibû operasyon li dar xist. 74 tirk jî tê da 300 kes hatin desteserkirin.
RûpelNews - Ji aliyê Tîma Rêveberiya Krîzê ya Fîloya Sumud a Cîhanî ve daxuyaniyek derbarê rewşa heyî ya fîloyê de hat dayîn.
Di daxuyaniyê de hat destnîşankirin ku keştiyên bi navên "Alcyone, Andros, Cobo Blanco, Don Juan, Girolama, Kasrı Sadabat, Sirius, Zefiro, Lina û Elengi" rêwîtiya xwe didomînin.
Hat ragihandin ku mesafeya keştiya Sirius a ku herî nêzîkî Xezeyê bû, bi qasî 120 mîlên deryayî mabû, û bi giştî 332 beşdarên ji 40 welatan hatibûn binçavkirin.
Lêbelê, çapemeniya Îsraîlê ragihand ku zêdetirî 40 keştiyên di fîloyê de hatine desteserkirin û 300 çalakvan hatine binçavkirin.
Li gorî agahiyên ku ji aliyê rayedarên Navenda Rêveberiya Krîzê ve hatine dayîn, hejmara welatiyên tirk ên ku hatine binçavkirin derketiye 74an.