Îsraîlê êrîşî Başûrê Sûriyê kir

RûpelNews - Berdevkê artêşa Îsraîlê di daxuyaniyeke fermî de piştrast kir ku balafirên şer bi hûrbînî "binesaziya leşkerî û depoyeke çekan" a ser bi artêşa Sûriyê li başûrê welat armancf girtine. Di daxuyaniyê de hat diyarkirin ku ev lêdan wekî hişyarî û cezakirin in li hemberî wan êrîşên ku roja pêncşemê li gundewarê başûrê Siweydayê sivîlên Durzî kiribûn armanc.

Peyama Parastinê ji bo Pêkhateya Durzî

Artêşa Îsraîlê di daxuyaniya xwe de tekez kir ku "ew ê rê nedin ku zirar bigiheje pêkhateya Durzî." Her wiha amadebaşiya xwe nîşan da ku rewşa başûrê Sûriyê ji nêz ve bişopîne û vê civakê li dijî her cûre gefên hebûnî an êrîşên çekdarî biparêze.

Di dawiya daxuyaniyê de hat gotin: "Em ê şopandina geşedanên meydanî li başûrê Sûriyê bidomînin, û em ê li gorî rênimayên ku ji asta siyasî ya Îsraîlê tên, li hemberî her guhertinekê tevbigerin."