Îsraîl: Em pabendî peymana Amerîka û Îranê nîn in
RûpelNews - Piştî di navbera Amerîka û Îranê de peymanekê hat ragihandin, berpirsên Îsraîlê diyar kirin ku Netanyahu bi zelalî ji Trump re gotiye ku ew ê ti lihevkirineke ku azadiya tevgerê li Orşelîmê li dijî Hizbulahê sînordar dike, qebûl neke.
Li gorî rayedaran, Hêzên Parastinê yên Îsraîlê dê li cîhên xwe yên heyî bimînin û dê li dijî gefên Hizbullahê, li hember her êrîşeke ku li Îsraîlê bê kirin bersiveke tund dê bê dayîn û binesaziya Lubnanê dê bê wêrankirin.
Îsraîl: Em pabendî peymana Trump nîn in
Wezîrê Ewlekariya Neteweyî yê Îsraîlê Itamar Ben-Gvir li ser peymana Amerîka û Îranê wiha got: "Em pabendî peymana Trump nîn in. Îsraîl ne di bin destê Dewletên Yekbûyî de ye; em dewleteke serbixwe û xwedîdesthilat in"
Ben-Gvir tekez kir ew ji Amerîkayê hez dikin, spasdarê Donald Trump in û lê zêde kir, "Di heman demê de, Dewleta Îsraîlê ne komareke mûzê ye."